Siglir tar il cuntegn

Header

Frank-Walter Steinmeier.
Legenda: Frank-Walter Steinmeier vegn er purtà da la CDU. Keystone
cuntegn

Exteriur Er la CDU vul Steinmeier sco president tudestg

Ils cristian-democrats tudestgs vulan sustegnair il minister da l’exteriur tudestg Frank-Walter Steinmeier (SPD) sco candidat per las elecziuns dal presidi da la Germania.

La partida da la chanceliera Angela Merkel suonda cunquai la proposta dals social-democrats. Il president en uffizi Joachim Gauck (senza partida), aveva annunzià la stad ch’el na veglia betg candidar per ina segunda perioda d’uffizi pervia da raschuns da sanadad. Las elecziuns èn il favrer 2017.

Pauca pussanza politica

Il president da la Germania ha tenor la constituziun tudestga be pauca pussanza politica. Sco schef dal stadi represchenta el però il pajais e po dar orientaziun cun pleds.

RR novitads 11:00