Siglir tar il cuntegn

Header

cuntegn

Exteriur Enstagl d'in cumpromiss, metta la Russia en veto

Suenter che ses sboz da resoluziun ha fatg naufragi, n'è la Russia betg stada pronta per in cumpromiss. Entras ses veto en il Cussegl da segirtad da l'ONU ha la Russia uschia impedì ch'il mandat d'ina gruppa d'experts vegnia prolungà.

Concret sa tracti dal mandat da la gruppa d'investigaziun JIM (Joint Investigative Mechanism). En questa gruppa sa participeschan represchentants da las Naziuns Unidas che collavuran per il scumond d'armas chemicas. Tenor l'agentura da novitads svizra SDA renfatscha la gruppa l'adiever da gas da gnerva a la Siria.

Duas propostas – tuttas duas han fatg naufragi

L'USA e la Russia avevan fatg dus sboz da resoluziun concurrenzents per ina prolungaziun. Tuttas duas propostas han dentant fatg naufragi. La Russia pretendeva ina midada dal mandat. L'USA fa dentant la reproscha, ch'els veglian evitar ina prolungaziun. Perquai ch'ils resultats da la Siria na plaschan betg a lur alliads, la Russia.

Il Cussegl da segirtad da l'ONU vuleva il medem di anc votar davart ina proposta dal Giapun. Sche questa saja dentant sumeglianta a quella dals Stadis Unids saja la Russia betg pronta dad acceptar ella, fa l'ambassadur russ Wassili Nebensja attent tar in discurs cun l'agentura Interfax a New York.

RR novitads 09:00

Artitgels legids il pli savens