Danovamain è il purschider d'internet Yahoo l'unfrenda d'ina attatga da hackers. Nunenconuschents hajan engulà datas persunalas da passa ina milliarda utilisaders. Uschia sajan datas sco il num, adressas da mail, numers da telefon e datas da naschientscha sco era pleds clav, scriva Yahoo.
Sumeglianta attatga sco il 2014
Era il 2014 era il concern vegni attatgà da hackers. Lezza giada eran radund ina mesa milliarda contos pertutgads. Quai aveva il concern concedì il settember. Las duas attatgas stettian betg en connex ma il concern suppona ch’in stadi stettia davos questas duas attatgas da cyber. Tge pajais che quai è n’ha il concern betg inditgà.
RR novitads 06:00