Disgrazia d'alpinists en l'Austria
En las Alps austriacas han 5 persunas d'ina squadra da suga pers la vita. La disgrazia è capitada sin la muntogna dal Gabler en la vischinanza da Salzburg, quai communitgescha la colonna d'agid. Ina sisavel alpinist, in um da 75 onns, ha survivì l'accident cun grevas blessuras sin ina autezza da traia milli meters. El è vegnì sgulà a l'ospital da Salzburg.
Gruppa crudada en ina sfessa la glatscher
Tut ils disgraziads èn da derivanza tudestga, pli exact da la Baviera. Sco la polizia da Salzburg ha communitgà saja in dals alpinists glischnà en ina autezza da 3000 meters sur mar. La squadra da suga è sin quai crudada 200 meters en in foss tranter il glatscher ed il grip.
RR novitads 21.00