Siglir tar il cuntegn

Exteriur En la Corea dal sid nizzegian ils pli blers l'internet

Tenor in studi da l'institut american Pew Search Centers ch'el ha fatg en 40 pajais èn 94% dals Sidcoreans almain mintgatant online u han in smartphone.

smartphone cun apps
Legenda: Ils Sidcoreans èn sin plazza 1 tar ils possesurs da smartphones. Tenor il studi possedan 88% dad els in tal. Keystone

Sin plazza dus è l'Australia cun ina cumpart da 93% avant il Canada cun 90% La Germania cuntanscha cun 80% plazza 8. La Svizra n'è betg vegnida resguardada en il studì.

Ils Sidcoreans èn era tar ils possesurs da smartphones cun 88% sin plazza 1. Suandà dals Australians cun 77% ed ils Israelits cun 74% che possedan in telefonin cun access a l'internet.

En general vala: Persunas pli bainstantas e cun ina megliera scolaziun nizzegian pli savens l'internet e possedan in smartphone.

RR novitads 16:00