Siglir tar il cuntegn
Inhalt

Exteriur En l'Irlanda dal Nord datti dus plants cunter il Brexit

Ina gruppa d'activists e politichers pretenda da dumandar l'emprim ils parlaments a Londra ed a Belfast avant che cumenzar cun il process d'extrada.

Bandiera da l'Engalterra sper ina da l'UE.
Legenda: Cunter il Brexit datti gia plirs plants. Keystone

In segund plant argumentescha ch'in Brexit cuntrafetschia a cunvegnas internaziunalas davart il process da pasch en l'Irlanda dal Nord. En l'Irlanda dal Nord era ina maioritad s'exprimida cunter il Brexit tar la votaziun il zercladur.

Er en l'Engalterra datti gia in plant che pretenda ch'il Brexit na saja legalmain betg pussaivel senza avair il consentiment dal parlament. La primministra Theresa May na tegn nagut d'ina tala votaziun en il parlament. Ella vul dentant inoltrar la dumonda uffiziala d'extrar or da l'UE pir cura che sia regenza ha elavurà in plan per la relaziun futura tranter l'Engalterra e l'UE.

RR novitads 09:00