Siglir tar il cuntegn

Header

Navigaziun

Purtret d'ina bartga cupitgà a la riva da Queensland.
Legenda: Il ciclon «Debbie» ha procurà per gronds donns en l'Australia. Keystone
cuntegn

Exteriur En l'Australia cumenzan lavurs da rumida suenter «Debbie»

Gliendesdi aveva il ciclon furià sur la costa dal nord da l'Australia.

En il nord da l'Australia han cumenzà las lavurs da rumida suenter il grev stemprà «Debbie». Tenor las autoritads èn anc adina passa 68'000 persunas senza electricitad e bleras vias serradas.

Il ciclon aveva furià il glindesdi cun spertadads da vent da fin 260 kilometers l'ura sur la regiun da costa da Queensland. La dimensiun exacta dals donns n'è anc betg clera.

Passa 1'000 gidanters èn en acziun tar las lavurs da rumida quellas vegnan però engrevgiadas entras la plievgia intensiva. Las autoritads averteschan d'inundaziuns.

RR novitads 08:00