Siglir tar il cuntegn
Inhalt

Exteriur En l’Africa dal Sid duai l’armada proteger immigrants

L’Africa dal Sid vul intervegnir cun l’armada per franar la violenza cunter immigrants, ha ditg la ministra da defensiun sid africana.

Persunas nairas lavan resti en il liber.
Legenda: In maletg idillic – per immigrants dentant ina situaziun ad viver fitg difficila en l’Africa dal Sid. Keystone

En la citad da Johannesburg en il township da Alexandra saja quai vegni tar sajettadas sin esters, e la sonda saja in um migrant mort, ha ditg la ministra da defensiun.

Dapi ch’ils conflicts tranter migrants ed abitants dals quartiers povers èn escalads avant bun 3 emnas, èn almain 7 persunas vegnidas mazzadas, scrivan las agenturas da novitads. In dals motivs per l’escalaziun è, ch’il retg dals Zulus aveva para pretendì dals esters da bandunar l’Africa dal sid.

RR Novitads 17:00