Siglir tar il cuntegn

Exteriur En in mais sa scuntran ils dus auts coreans

L'inscunter suprem tranter il president sidcorean Moon Jae In ed il dictatur nordcorean Kim Jong Un duai avair lieu ils 27 d'avrigl. Quai ha la regenza da la Corea dal Sid communitgà.

Dus purtrets in sper l'auter.
Legenda: Suenter 18 onns vulan ils schefs dals dus stadis puspè sa scuntrar. Keystone

L'inscunter è planisà a Panmunjom, in lieu en la zona demilitarisada al cunfin dals dus pajais. Delegads da la Corea dal Nord e da la Corea dal Sid han fixà in plan da termin ed auters detagls da l’inscunter.

Il president sidcorean Moon Jae In vul tematisar las relaziuns bilateralas, ed ils pass per reducir il program atomar da la Corea dal Nord. Er il president nordcorean Kim Jong Un ha accentuà sia veglia per in discharmament nuclear.

RR novitads 12:00