Per eleger il president da la Columbia è in'elecziun decisiva necessaria. Nagin candidat ha cuntanschì 50% da las vuschs en l'emprima runda. Ivan Duque, il candidat conservativ, ha retschavì 39% da las vuschs. Ses adversari Gustavo Petro, il candidat da la sanestra, ha cuntanschì 25% da las vuschs. Cun 23,7% è il candidat dal center sanester, Sergio Fajardo, arrivà surprendentamain sin il terz plaz.
Tar l’elecziun dal nov president columbian vai er per il futur da la cunvegna da pasch tranter il stadi columbian ed ils rebels da la Farc. Duque vul midar dal tuttafatg la cunvegna. Petro percunter vul mantegnair quella.
RR novitads 06:00