Siglir tar il cuntegn

Header

cuntegn

Exteriur En China èn 13'000 websites serradas

En la China han las autoritads serrà dapi l'onn 2015 passa 13'000 paginas d'internet ils ultims trais onns. Il proceder stettia en connex cun il cumbat cunter violenza e pornografia, uschia l'agentura da novitads statala Shinhua.

Ils manaders da las paginas hajan cuntrafatg a reglas. Plinavant sajan radund 10 milliuns contos d'utilisaders vegnids serrads. Quai sur tut contos sin raits socialas. Plinavant mussia in'enquista che passa 90% da la populaziun sustegnia las stentas da la regenza per survegliar l'internet.

Las autoritads chinaisas èn suenter che president Xi Jinping ha cumenzà ses uffizi anc vegnì pli stricts. Adversaris pretendan che quai saja ina restricziun da la libertad d'opiniun.

RR novitads 12:00

Artitgels legids il pli savens