Siglir tar il cuntegn
Inhalt

Exteriur En 160 paginas han la ÖVP e la FPÖ fixà lur coaliziun

Suenter sis emnas da negoziaziuns èn las partidas austriacas ÖVP e FPÖ sa cunvegnidas sin in patg da coaliziun da 160 paginas. La sonda han las testas da las partidas infurmà il president austriac Alexander Van der Bellen.

Alexander Van der Bellen e Sebastian Kurz.
Legenda: Il president da l'Austria Alexander Van der Bellen (san.) beneventa il minister da l'exteriur e manader da la ÖVP Sebastian Kurz. Keystone

Per infurmar davart lur intents èn il schef da la partida austriaca populara (ÖVP) Sebastian Kurz ed il president da la partida austriaca liberala (FPÖ) Heinz-Christian Strache sa radunads cun il schef da stadi.

Puncts centrals da la coaliziun dad ÖVP e FPÖ

  • ina refurma da las taglias,
  • in rinforzament da la democrazia directa
  • ed in curs dad anti-migraziun intensivà.

Detagls dal cuntegn vulan las duas partidas preschentar en il decurs dal suentermezdi. Il probabel schef da regenza Kurz discurra d'ina regenza che mettia paisa sin egualitad tranter um e dunna e savida.

Mes team vegn per 50% a consister da dunnas – e ⅔ vegnan ad esser experts.
Autur: Sebastian Kurzmanader da la ÖVP

Acts formals spetgan

Suenter l'inscunter en la chanzlia presidenziala spetga las duas testas da las partidas in inscunter cun lur gremis da partida. Numnadamain ston quels anc approvar la coaliziun. Tenor l'agentura da novitads svizra SDA in act formal.

Sco schef da regenza vala Sebastian Kurz e Heinz-Christian Strache vala sco ses vice. La saramentaziun da la regenza austriaca ha lieu glindesdi. Formalmain avess Van der Bellen anc la pussaivladad da refusar singuls ministers. Cun 31 onns fiss l'actual minister da l'exteriur Kurz il pli giuven schef da regenza da l'Europa.

RR novitads 07:00