L'emprim stremprà da la stagiun en il Pacific, il stemprà Amanda, è entant fruntà sin la Guatemala ed El Salvador. Almain 14 persunas èn mortas. Las autoritads fan però quint che quest dumber pudess crescher vinavant.
Flums èn passads sur las rivas ed en grondas parts dals dus pajas central-americans hai dà interrupziuns da l'electricitad. Passa 200 chasas sajan vegnidas inundadas.
En vista al privel da bovas che smanatscha ha El Salvador proclamà il stadi d'urgenza per 15 dis.