Il primminister Mariano Rajoy vul uss preschentar quellas sis propostas a sia partida, la partida populara (PP). Albert Rivera, il schef da la partida liberala, pretenda tranter auter da clamar en vita ina cumissiun d’inquisiziun per scuvrir afferas da corrupziun entaifer la PP.
Ultra da quai vai era per ina refurma da la lescha electorala actuala che duai nizzegiar a las partidas pitschnas.
Buna schanza da gudagnar cun agid da la partida liberala.
Questa proposta vala sco emprim signal positiv per schliar la situaziun politica bloccada en la Spagna. Tant tar l'elecziun dals 20 da december sco tar quella dals 26 da zercladur aveva la partida populara mintgamai survegnì las bleras vuschs, dentant manchentà la maioritad absoluta.
Rajoy veglia mo s’exponer ad ina elecziun sch’el sa ch’el ha la schanza d’ina maioritad davos el. Cun agid dals Ciudadanos savessi esser pussibel da gudagnar en in segund scrutini damai ch’i vegn là betg pli duvrà ina maioritad absoluta. Ils Ciudadanos han enfin ussa vulì s’abstegnair.
RR novitads 14:00
