Dapi mesanotg fa er la viafier grecca chauma. Per il suentermezdi e la saira han ils sindicats appellà a demonstraziuns en il center ed avant il parlament ad Athen. Il parlament grec decida oz davart la cunvegna cun la gruppa da l'euro per uschia survegnir il terz program d'agid.
Bancas restan serradas
Pervi da la greva crisa da finanzas restan las bancas greccas serradas fin almain la gievgia. Il viceminister da finanzas, Dimitris Madras haja suttascrit il decret correspundent, communitgescha il ministeri da finanzas ad Athen.
Maximalmain 60 Euros a di
Ils Grecs dastgan uschia vinavant retrair maximalmain 60 euros a di da lur contos. Assegnaziuns a l'exteriur èn mo pussaivlas cun ina lubientscha da la banca centrala e dal ministeri da finanzas. Las controllas da chapital vertentas eran idas en vigur l'emna passada.
sda/gc