Siglir tar il cuntegn

Header

cuntegn

Exteriur Emmanuel Macron cementescha sia pussanza

Cun ina clera victoria en las elecziuns parlamentaras ha il president franzos ina buna basa realisar ses program da refurma La République en Marche.

En marche cun ina maioritad confortabla en il parlament

ll president franzos Emmanuel Macron ha cuntanschì tar las elecziuns parlamentaras ina clera maioritad aboluta per ses program da refurma. L'allianza da partidas La République en Marche dal schef da stadi socialliberal ha, tenor emprimas retschertgas, cuntanschì suenter il segund scrutini tranter 355 e 425 dals 577 mandats en il parlament. Pers massiv han ils conservativs sco era ils socialists.

La participaziun a l'urna è stada bassa, tenor las retschertgas enturn 43 pertschient.

Bassa participaziun a l'urna

Las emprimas uras dal segund scrutini en la Frantscha han laschà spetgar ina pitschna participaziun. Fin mezdi han radund 18% da las votantas e dals votants dà giu lur vusch per l'elecziun dal parlament. Quai ha annunzià il ministeri da l'intern franzos. Quella participaziun è anc pli bassa che tar l'emprima runda avant in'emna. En il medem temps avevan là bun 19% dals votants dà giu lur vusch. A la fin muntava la participaziun a 48,7%. Quai è uschè pac sco anc mai dapi la fundaziun da la Tschintgavla republica l’onn 1958.

Entant ch'il nov president Emmanuel Macron po spetgar in triumf, ston cunzunt ils socialists da l'anteriur president François Hollande quintar cun ina schleppa.

RR novitads 21:00...

Artitgels legids il pli savens