Ils democrats han nominà uffizialmain Joe Biden sco candidat per il presidi. Sco spetgà haja l’anteriur vicepresident da 77 onns survegnì las vuschs necessarias dals delegads. Quai rapportan plirs emetturs americans. Pervi da la crisa da corona han ils dis da partida dals democrats gì lieu per gronda part virtualmain.
Per el e sia famiglia muntia quai tut, ha Biden ditg en ses emprim statement. Uffizialmain vegn l'um da 77 onns ad acceptar sia nominaziun gievgia, cura ch'ils dis da partida van a fin.
Ils dis da partida dals republicans èn l’emna proxima. Lura duai il president en uffizi, Donald Trump, vegnir nominà uffizialmain sco candidat. L’elecziun dal president american è ils 3 da november.
video
Dis da partida: Il pled da Michel Obama e Bernie Sanders
Or da Tagesschau dals 18.08.2020.
laschar ir. Durada: 1 minuta 52 Secundas.