Siglir tar il cuntegn

Elecziuns USA 2016 USA: Hillary Clinton empermetta 10 milliuns plazzas da lavur

La candidata democratica per il presidi dals Stadis Unids vul stgaffir bleras novas plazzas da lavur ed investiziuns en l'infrastructura dal pajais, en cas ch’ella vegnia elegida sco presidenta.

Politicra americana.
Legenda: Hillary Clinton durant in'occurrenza electorala ad Iowa. Keystone

Intgins dis suenter che ses contrahent republican Donald Trump ha preschentà ses program d'economia ad in'occurenza a Detroit, ha er Hillary Clinton fatg empermischuns en cas ch'ella vegniss elegida sco emprima dunna insumma a la testa dal pajais.

Ils Stadis Unids da l'America vegnian a vesair la pli gronda investiziun en plazzas da lavur dapi la Segunda Guerra mundiala. uschia Clinton durant in'occurrenza electorala ad Iowa. Ella ha empermess d'investir daners en vias, punts, tunnels e plazzas aviaticas. Ultra da quai empermetta Clinton ina paja minimala da 15 dollars per ura.

Mardi, ils 8 da november 2016 è l'uschenmumnà «Super Tuesday» che decida davart la successiun da Barack Obama. Pervi da la limitaziun dal temp d'uffizi ad 8 onns, na dastga il president actual betg pli candidar per il pli aut uffizi.

RR novitads 06:00