Siglir tar il cuntegn
cuntegn

Elecziuns USA 2016 Sprint final per Trump e Clinton

En in'emna èsi cler tgi ch’è il nov president dals Stadis Unids. Ma tge traffitgan Donald Trump e Hillary Clinton l'ultima emna avant il grond final? Èn ils dus candidats totalmain en acziun u prendan els patgific e miran da far pli nagins sbagls?

Cun in bel surrir emprovan Hillary Clinton e Donald Trump anc ina giada da persvader ils electurs.
Legenda: Cun in bel surrir emprovan Hillary Clinton e Donald Trump anc ina giada da persvader ils electurs. Keystone

Prender patgific? Quai saja insatge che Donald Trump e Hillary Clinton n'enconuschan betg durant quests dis. Ils dus candidats sajan uss davaira en il sprint final, declera il politolog ed expert dals Stadis Unids, Louis Perron.

Spezialmain èn ils «swing states» dattan ils dus candidats anc ina giada tut, per mobilisar ils electurs. «Swing states» èn quests stadis, nua ch’ì n’è betg cler, sche quai vegnia a dar dapli vuschs per la candidata democratica u per il candidat republican.

Activs èn Trump e Clinton dentant era a la televisiun: «La davosa emna han els investì milliuns e milliuns dollars per reclamas». La dumonda è natiralmain, tge porta quai anc uschè curt avant il grond di d’elecziun?

Il politolog Perron manegia dentant, che Trump saja quel, che stoppia empruvar da mobilisar anc pli fitg ils electurs. Clinton saja actualmain en la pole-position.

Tuttina – surpraisas hai adina puspè dà tar l’elecziun dil president american.

RR actualitad 07:00