Siglir tar il cuntegn
cuntegn

Elecziuns USA 2016 Nevada refusa plant da Trump

En il stadi federativ ha ina derschadra refusà curt avant che las urnas serran in plant dal candidat republican Donald Trump. Il republican ha reclamà ch'ils temps d'avertura da plirs locals d'elecziun sajan stads avert memia ditg.

vista en in local d'elecziun en l'America
Legenda: Tuts dastgan eleger, er sch'il local d'elecziun avess gia serrà. Keystone

Sco argument è vegnì numnà che blera glieud era anc en la colonna avant il local il temp ch'el avess gì da serrar. Trump ha pretendì che las vuschs da l'elecziun anticipada na dastgan betg vegnir quintadas.

Tenor las reglas vertentas na pon ils electurs dentant betg vegnir refusads sch'els ston spetgar per dar giu lur vusch. La dretgira ha perquai refusà il plant. Las vuschs quintan.

Nevada tutga tar ils stadis cumbattids cun bleras persunas latinas. Ina gronda part da questas persunas han nizzegià la chaschun da pudair eleger gia ordavant. Tar la gruppa dals Latinos ha Hillary Clinton dapli sustegn che Trump.

RR novitads 23:00