El veglia entupar persunalmain Trump anc avant ch'el entria en uffizi uschia Peña Nieto.
Nus essan omadus dal maini che nus stuain lavurar per ina relaziun confidenziala, pertge noss pajais èn impurtants in per l'auter.
Sch'i va bain cun ils Stadis Unids, lura vai era bain cun il Mexico e cuntrari, ha ditg Peña Nieto. I vegn avert in nov chapitel en la relaziuns tranter ils dus pajais. Quai muntia midadas, sfidas, portia dentant er schanzas, uschia il president mexican.
En il cumbat electoral aveva Trump condemnà migrants mexicans sco criminals e violaturs. Ultra da quai aveva el annunzià da vulair construir in mir tranter il Mexico ed ils Stadis Unids da l'America.
RR novitads 06:00