Siglir tar il cuntegn

Header

Navigaziun

Donald Trump vul stgatschar persunas che vivan illegalmain en ils Stadis Unids.
Legenda: Donald Trump vul stgatschar persunas che vivan illegalmain en ils Stadis Unids. Keystone
cuntegn

Elecziuns USA 2016 Donald Trump vul deportar immigrants illegals

Radund trais milliuns persunas duain bandunar ils Stadis Unids, ha Trump ditg en si'emprima intervista da televisiun suenter l'elecziun.

En in'intervista cun l'emettur american CBS ha Trump empermess ch'el veglia far curtas cun persunas che na possedian nagins documents valaivels. Quai sajan criminals, dealers e commembers da bandas, ha Trump punctuà. Questas persunas stoppian bandunar ils Stadis Unids. Autramain vegnan talas persunas en praschun.

Project da mir tar il Mexico resta

Trump vul restar tar l'idea da bajegiar in mir al cunfin cun il Mexico. En tscherts lieus pudessi dentant er dar mo ina saiv, ha Trump precisà. Cura ch'ils cunfins sajan puspè segirads veglia el decider tge che schabegia cun ils ulteriurs abitants illegals en ils Stadis Unids. Tut en tut quintan ins che radund 11 milliuns persunas vivan illegalmain en ils Stadis Unids da l'America.

RR novitads 18:00