Il democrat american Joe Biden ha las vuschs necessarias per ir en la cursa per il presidi american. Quai mussan ils resultats da las davosas elecziuns primaras ch'èn vegnidas enconuschentas. Biden ha tenor quellas cuntanschì las 1'991 vuschs da delegads ch'èn almain necessarias per la nominaziun tras la partida. Uschia vegn Joe Biden ad esser l'adversari democratic da Donald Trump tar l'elecziun dals 3 da november 2020.
Unir il pajais
Suenter ils onns polarisants sut Donald Trump veglia el puspè unir il pajais, ha empermess il politicher da 77 onns. El vegnia a rinforzar l'economia e cumbatter per l'egualitad da schanzas.
Ord l'archiv:
video
Bernie Sanders sustegna Joe Biden
Or da Tagesschau dals 14.04.2020.
laschar ir. Durada: 42 Secundas.
