Siglir tar il cuntegn

Header

cuntegn

Exteriur Elecziuns Pajais Bass - Quasi tut è pussaivel

Radund 13 milliuns Ollandais èn clamads a l'urna per eleger il nov parlament ed uschia er tgi che furma la nova regenza. La schelta è dentant gronda cun 28 partidas che stattan a disposiziun. E pliras dad ellas pudessan tenor Sebastian Ramspeck, correspundent dad SRF, avair sumegliantas schanzas.

audio
Mezdi: Elecziuns Pajais Bass: Malsegirezzas al di d'elecziun
ord Actualitad dals 15.03.2017.
laschar ir. Durada: 2 minutas 51 Secundas.

14 fin 15 da las 28 partidas han schanzas da rivar en il parlamant. Ina limita en pertschient da las vuschs ch'ellas ston cuntanscher na datti betg. Tenor las ultimas retschertgas è la partida dal primminister actual Mark Rutte a la testa suandada da quella dal populist dretg Geert Wilders. Omaduas partidas pudessan cuntanscher tranter 20 e 30 dals 150 sezs en il parlament.

Anc autras favuritas tranter las partidas

Grev da dir co las elecziuns van or èsi d'ina vart perquai che bun 40% dals Ollandais eran anc curt avant il di d'elecziun indecis a tgi dar la vusch. Da l'autra vart èsi tenor Sebastian Ramspeck, il correspundent dad SRF, er pussaivel che anc autras partidas da dretg fin sanester cuntantschan quasi tuttina blers sezs sco las duas partidas favuritas da Mark Rutte e Geert Wilders. Sebastian Ramspeck vesa trais ulteriuras partidas fermas:

  • la partida verda sanestra (profiteschia probabel da la sperdita dals socialdemocrats)
  • lura la partida sanestra liberala (actualmain buns resultats en las retschertgas)
  • e la partida cristian-conservativa (ella profiteschia probabel er dal conflict tranter la Tirchia ed ils Pajais Bass)

Uschia pudess sa dar la situaziun ch'i dess suenter las elecziuns tschintg fermas partidas da dretg fin sanester. Qua possian ins s'imaginar ch'i na saja lura betg simpel da furmar la regenza, uschia Sebastian Ramspeck.

Probabel nagina regenza sut Geert Wilders ma...

Bain hajan las bleras partidas ditg ch'ellas na collavurian betg cun il populist dretg Geert Wilders, ma segirtad na dettia quai betg en la politica, di il correspundent dad SRF.

Sco diversas agenturas da novitads scrivan saja Geert Wilders gia uss persvadì ch'i dettia per el ina victoria. Er sche sia partida na vegnia betg la pli ferma, haja ella tuttina influenzà fermamain il cumbat electoral, quai cunzunt en las debattas davart la migraziun e l'islam.

RR actualitad 12:00

Artitgels legids il pli savens