Siglir tar il cuntegn
Inhalt

Exteriur Elecziuns Italia: Allianza dal center dretg gudogna

Tar las elecziuns decisivas da burgamester en l'Italia datti in resultat positiv per l'allianza dal center dretg. Uschia gudogna Forza Italia la partida dal anteriur primminister Silvio Berlusconi en 16 da 22 citads.

Marco Bucci il nov burgamester da la citad da Genua.
Legenda: Marco Bucci il nov burgamester da la citad da Genua dal moviment entur la partida Forza Italia. Keystone

Tenor ils resultats definitivs gudogna il bloc enturn la partida Forza Italia tranter auter a Genua, Verona, La Specia e L'Aquila. Per las elecziuns decisivas è Forza Italia s'alliada en pliras citads cun la Lega Nord. Las elecziuns da burgamester valan sco barometer per las elecziuns parlamentaras da l'onn proxim.

RR novitads 10:00