Siglir tar il cuntegn

Header

cuntegn

Elecziuns Germania Scholz ha survegnì ils blers puncts

Duas emnas avant las elecziuns parlamentaras en Germania hai dà ier saira in'ulteriura debatta dals trais candidats per l'uffizi da chancelier en la televisiun.

Legenda: Olaf Scholz (SPD), Annalena Baerbock (Verds) ed Armin Laschet (CDU). Keystone

Retschertgas ch'ils emetturs ARD e ZDF han fatg curt suenter la debatta, mussan che Olaf Scholz, il candidat da la SPD, ha fatg ils blers puncts tar il publicum. Scholz è gia stà favurisà en l'emprima debatta d'avant duas emnas. Ensemen cun Armin Laschet da la Union da CDU e CSU ed Annalena Baerbock dals Verds, ha el tranter auter discutà davart la protecziun dal clima, las vaccinaziuns da corona u er il futur da las cassas da malsauns.

A l'entschatta han ils moderaturs gists prendì Scholz sut la Marella e dumandà el davart ses puncts debels, numnadamain la razzia da lavada da daners e Wirecard. Pir pli tard èn lura ses dus cuntercandidats vegnids en la mangla. Er Amin Laschet ha accusà el, ch'el sco minister da finanzas saja bain responsabel per l'autoritad da lavada da daners. Scholz è sa dustà a moda vehementa. Ils fatgs che Laschet numnia, na sajan betg vairs.

Scandal da finanzas

Avrir la box Serrar la box

Wirecard è ina aczia ch'è crudada entaifer be curt temp per 60% a la bursa. Raschun era che l'interpresa ah infurmà, ch'il revisur da bilantscha n'haja betg chattà credits da banda da passa 1,9 milliardas euros.

In scandal è quai er perquai che schurnalists dal la gasetta d'economia «Wall Street Journal» aveva gia fatg attent pliras giadas ch'insatge na constettia betg cun il success enorm a la bursa. Quai saja dentant vegnì ignorà da las autoritads e Scholz è il minister da finanzas. Ad el vegn renfatschà che ses departament avess stuì agir.

«Campagna tschuffa»

Prest ina mes'ura han els discutà davart opziuns da coaliziuns e scandals. Baerbock na vul betg sa decider tranter ils sanesters e la FDP, Scholz n'excluda betg ina coaliziun cun la sanestra, Laschet n'excluda erbetg in partenadi cun juniors da la SPD. Sin Twitter è quai vegnì crititgà ferm. Quai saja fatg «campagna tschuffa». Pir suenter èn temas sco la protecziun dal clima, virolas da corona, la digitalisaziun, l'avegnir da las cassas da malsauns u la renta vegnids sin maisa.

Er là han dominà sur tut Laschet che ha provocà Scholz e Scholz ch'è sa dustà cunter renfatschas. Fertant che Baerbock ha pudì rir en omaduas direcziuns ed ha survegnì puncts da fairness, cura ch'ella ha fatg attent che l'ura che mesira il temp che mintgin discurra giaja fauss.

En in'emna datti lura l'ultima runda da discussiun dad els trais. Set dis avant las elecziusn. La Germania elegia ils 26 da settember la successura u il successur da la chanceliera Angela Merkel, ch'è dapi 16 onns en uffizi.

RTR novitads 06:00

Artitgels legids il pli savens

Scrollar a sanestra Scrollar a dretga