La partida partenaria da la CDU, la CSU sustigna era vinavant la candidatura da Angela Merkel sco chanzeliera. Quai han ils responsabels communitgà suenter ina sesida dals dus presidis a Minca. Merkel aveva gia inditgà il november da star a disposiziuns per in'ulteriura perioda d’uffizi suenter las elecziuns dal Bundestag d’atun proxim.
La CSU ch’è domiciliada en la Bavaria aveva ils ultims onns adina puspè crititgà la chanceliera surtut pervi da la politica da fugitivs. Uss sustegn la CSU Merkel sco candidata uffiziala.
RR novitads 14:00