Siglir tar il cuntegn

Header

cuntegn

Elecziuns Frantscha 2017 Oz vegn elegì

Las elecziuns han lieu sut mesiras da segirezza fitg severas. Dapi las 08:00 pon ils Franzos eleger lur nov president u lur nova presidenta. Stgars 47 milliuns burgais pon ir ad eleger.

Enturn 50'000 policists e schuldads duain procurar per in decurs segir da l'elecziun. 11 candidats concurrenzeschan. Tenor retschertgas han quatter d'els la schanza da vegnir ils 7 da matg en l'elecziun decisiva.

Quai èn cunzunt: l'anteriur minister d'economia Emmanuel Macron. El vala sco refurmatur ed adherent da l'integraziun europeica e Marine Le Pen. Ella vul abolir l'euro en Frantscha e laschar decider il pievel davart la commembranza a l'Uniun europeica.

Dus ch'han medemamain schanzas èn l'anteriur primminister François Fillon ed il scepticher da l'UE, Jean-Luc Mélenchon. Dus dad els vegnan lura en l'elecziun decisiva.

Gnervs èn tendids tar tuts

L'emprima giada en l'istorgia Franzosa ha in'elecziun per il presidi lieu sut il stadi d'urgenza. Dapi il 2015 èn dapli che 230 persunas mortas tar attentats. L'ultima unfrenda è stada in policist ch'è mort l'ultima gievgia.

In alarm da bumba ha procurà ch'il consulat Franzos a New York ha stuì vegnir rumì la sonda. Là pon tschients Franzos e Franzosas che vivan en l'exteriur dar giu lur vusch en l'emprima runda d'elecziun.

Suenter radund 50 min ha l'alarm pudì vegnir schlià. Il local duess serrar tut normal da las 19:00.

RR novitads 07:00

Artitgels legids il pli savens