Il mument na numna la partida anc nagin num. Il vicepresident Florian Philippot ha sulettamain annunzià la notg passada che la partida veglia sa restructurar e metter giu il num «Front National».
Marine Le Pen ha gratulà a ses contrahent Emmanuel Macron e smanatschà ch'ella vegnia a manar ina dira opposiziun. Il resultat dal Front National saja in resultat istoric. Malgrà quai stoppia la partida ir sur ils cudeschs. I duai dar ina discussiun en Frantscha che s'orientescha al cumbat tranter «patriots» e «globalists».
RR novitads 9:00