Siglir tar il cuntegn

Header

Navigaziun

Regenza brasiliana.
Legenda: La regenza transitorica brasiliana na vegn betg renconunischa da blers da ses vischins. Reuters
cuntegn

Exteriur El Salvador na renconuscha betg la nova regenza brasiliana

Il pajais da l'America Centrala taxescha la suspensiun da la presidenta Dilma Rousseff sco culp da stadi.

La regenza dad El Salvador ha cun vehemenza crititgà la midada da pussanza en la Brasilia suenter che la presidenta Dilma Rousseff è vegnida suspendida per in mez onn. El Salvador valitescha sia suspensiun sco culp da stadi. Perquai na renconuscha El Salvador betg la regenza transitorica da la Brasilia, sco i ha num en ina communicaziun da la regenza.

Gia avant avevan la Venezuela, la Cuba, la Bolivia, l’Ecuador e la Nicaragua condemnà la suspensiun da Rousseff. A la presidenta vegn renfatschà d'avair surdà credits en atgna reschia e d'avair manipulà il preventiv per segirar sia reelecziun il 2014. Dilma Rousseff refusa tut las renfatschas e discurra dad in putsch.

RR novitads 09:00