Siglir tar il cuntegn

Header

Navigaziun

Purtret dal president egipzian Abdel Fattah al-Sisi.
Legenda: Il president egipzian Abdel Fattah al-Sisi ha annunzià vendetga per las unfrendas. Reuters
cuntegn

Exteriur Egipta bumbardescha posts dal SI

L'Egipta ha cumenzà a bumbardar posts da la gruppa da terror Stadi islamic en la Libia sco reacziun sin las stgavazzadas da passa 20 Copts egipzians.

Tenor l'armada egipziana hajan aviuns da cumbat bumbardà quartiers, lieus da reuniun e deposits d'armas da la gruppa da terror.

Ils Copts egipzians stattan en schanuglias avant ils extremists dal Stadis islamic.
Legenda: Ils umens en oransch paran dad esser ils Copts egipzians ch'il SI ha alura stgavazzà. Reuters

La gruppa da terror Stadi islamic aveva publitgà dumengia in video da las stgavazzadas. La baselgia copta ha confermà ils mazzaments. Las unfrendas ch'avevan tschertgà lavur en la Libia sajan stads sin via a chasa en l'Egipta cura ch'ils islamists hajan franà il bus e fatg sortir els. Suenter la Siria e l'Irac, vegn la gruppa da terror era pli e pli activa en la Libia.

RR novitads 10:00