Siglir tar il cuntegn

Exteriur Ecuador – suenter il terratrembel uss las impostas

Suenter il grev terratrembel da sonda passada en l'Ecuador vul il president Rafael Correa augmentar las impostas. Cun quests daners vul el finanziar la reconstrucziun, ha ditg Correra en la televisiun.

ina dunna a Manta/Ecuador en tschertga da quai, ch’il terratrembel n’ha betg destruì.
Legenda: Suenter il terratrembel – ina dunna a Manta/Ecuador en tschertga da quai, ch’il terratrembel n’ha betg destruì. Keystone

La taglia sin la plivalur duai per in onn ir si per 2%. Era las impostas per las interpresas e per glieud che gudogna bain duain s'augmentar. En pli vul la regenza vender proprietad dal stadi.

Tenor las cifras da las autoritads èn tar il terratrembel en l'Ecuador mortas 570 persunas. Passa 23'500 èn en alloschis d'urgenza e 7'015 èn blessadas.

RR novitads 06:00