Siglir tar il cuntegn
Inhalt

Exteriur Ecuador: almain 27 morts pervi d'innundaziuns

Pervi dad inundaziuns che cuzzan gia emnas èn almain 27 persunas mortas en l'Ecuador. Passa 120'000 persunas sajan pertutgadas hai num da vart uffiziala. Nunusitadamain blera plievgia pervi dal fenomen dal clima El-Nino mulesta gia dapi in mais e mez la costa dal Pacific da l'Ecuador.

aua gronda en il Peru, las rodaglias da tren èn sut l'aua
Legenda: Er il Peru, il pajais vischin, è pertutgà da grevas inundaziuns. Keystone

Pertutgada è la medema regiun, nua che bunamain 700 persunas eran mortas avant in onn pervi d'in grev terratrembel.
En il pajais vischin Peru èn mortas il davos temp almain 90 persunas pervi dad inundaziuns e bovas.

RR novitads 08:00