Exteriur - Economia spagnola crescha grazia a curs da l’euro
L’economia da la Spagna profitescha dals bass pretschs d’ieli e dal curs bass da l’euro. Il product naziunal brut vegnia a crescher per almain 2,5%, ha il minister d’economia spagnol Luis de Guindos ditg a medias spagnolas.
Enfin uss quintavan ins cun in carschen dal product naziunal brut da 2%. Sch’il curs da l’euro restia sco uss, vegnia quai a chaschunar in augment per 0,5%, e quai saja ina precauta prognosa, ha ditg de Guindos.
Las prognosas uffizialas vegn la regenza spagnola a communitgar l'avrigl.
