Duvrar daners per l'agid al svilup per l'intent previs

Pliras organisaziuns d'agid internaziunalas averteschan da scursanir ils daners per l'agid al svilup. En connex cun la crisa da fugitivs pondereschan ussa plirs pajais europeics da duvrar ils daners previs per l'agid al svilup per la segirezza e la defensiun.

Ina chasa en constrcuziun en la Tunesia.

Legenda da maletgs: Alloschi gea, ma betg per fugitivs en pajais ritgs: Daners per l'agid al svilup duajan vegnir duvrads en ils pajais per ils quals els eran previs. Keystone

En ina communicaziun cuminaivla averteschan las organisaziuns d’agid Oxfam, ONE e Save the Children da duvrar ils daners previs per l’agid al svilup per la segirezza e la defensiun.

«  Daners per il svilup ston ir a favur dals pli povers. »

Marion Lieser
Manadra da fatschenta Oxfam Germania

Ils schefs da stadi e regenza da l'UE stoppian ussa fermar questa tendenza. Pajais ritgs na duajan betg utilisar quests daners per l’intent da cuvrir custs per l’alloschament da fugitivs u da finanziar mesiras da segirezza.

Tschients da milliuns dals pli povers tirassan la curta, sch'ils daners per l'agid al svilup vegnissan duvrads per auters intents. Quai han las organisaziuns ditg en vista da l'inscunter da l'UE dals 18 e 19 da favrer.

RR novitads 06:00