Siglir tar il cuntegn
Inhalt

Exteriur Dus morts durant fulla da fugitivs sin territori spagnol

185 Africans èn ids illegalmain sur ils cunfins da Ceuta, la citad da l'exclava spagnola en l'Africa dal nord. Sur ils firads da Nadal n'èn quests cunfins betg survegliads uschè bain. Durant l’acziun da Nadalnotg èn najads dus fugitivs.

Ils fugitivs arrivan a Ceuta.
Legenda: Ils fugitivs arrivan a Ceuta. Keystone

L'agentura da novitads statala da la Spagna Efe rapporta che quest’unda da fugitivs saja la pli gronda dapi plirs mais. Dapli che 250 Africans èn sa participads a la fulla. La polizia marocana ha arrestà 104 migrants ed ha uschia impedì els da far part a l’acziun.

Ils fugitivs hajan passà la saiv da cunfin a bun'ura. 12 persunas sajan sa blessadas grevamain cun ir sur la saiv, radund 30 migrants levamain, rapporta la gasetta «El Faro». La citad spagnola Ceuta en l'Africa dal nord ha 85'000 abitants ed è situada al chanal da Gibraltar.

RR novitads 15:00