Las persunas arrestadas durant l'acziun antiterroristica vegnan suspectadas d'avair preparà in attentat terroristic. Tuttas tschintg persunas sajan vegnidas observadas dapi in temp. Detagls n'ha la polizia betg numnà.
Pir avant in mais hai dà in'attatga terroristica avant il parlament britannic. Ils 22 da mars è in attentader charrà cun ses auto en ina gruppa da passants, da quels èn quatter morts. Suenter ha l'attentader stilettà in policist avant ch'el sez è vegnì sajettàgiu.
RR novitads 06:00