Siglir tar il cuntegn
cuntegn

Exteriur Dumber da morts tar crudada d’aviun a Taipeh s’augmenta sin 25

Il dumber dals morts tar la disgrazia d’aviun en il Taiwan è entant creschì sin almain 25. Sco quai che l'agentura da novitads CNA rapporta, sajan 15 persunas vegnidas salvadas.

Persunas da salvament èn sin bartgas e prendan rauba ord l’aviun crudà.
Legenda: L'eroplan dal tip ATR 72 è crudà en in flum curt suenter la partenza. Keystone

Ordavant avevan las autoritads per la segirezza aviatica anc discurrì da 19 unfrendas. L'aviun era crudà l'avantmezdi en il flum Keelung da la citad principala Taipeh, quai suenter che quel era collidà cun ina punt. A bord da l'aviun da la Transasia eran 53 passagiers e 5 collavuraturs. Davart la raschun per la crudada na datti il mument anc naginas indicaziuns. La Blackbox ch'è entant vegnida chattada duai dentant dar scleriment.

RR novitads a las 10:00/17:00