«Dschungel» a Calais vegn rumì

La rumida dal champ da fugitivs a Calais en il nord da la Frantscha ha cumenzà. Il mument vegnan en il sid dal champ da fugitivs las baraccas rumidas. Las autoritads ston uss translocar ils fugitivs.

Lavurers davos policists.

Legenda da maletgs: Lavurers han cumenzà a rumir parts dal champ da fugitivs a Calais. Keystone

Las autoritads franzosas han cumenzà a destruir ina part dal champ da fugitivs a Calais. Sut la protecziun da la polizia han lavurers stgarpà giu radund 20 baraccas da fugitivs. En acziun eran dus bulldozers. La polizia era preschenta cun 30 vehichels. Las acziuns da rumida han cumenzà senza gronds disturbis. Ina activista da l’organisaziun «No Border», che s’engascha per dismetter ils cunfins è vegnida arrestada.

RR novitdas 16:00