La notg passada èn almain 5 dronas sguladas sur Paris. Ils objects da sgol hajan sursgulà divers lieus enconuschents en il center da la chapitala franzosa, uschia hai num ord circuls da las forzas da segirtad.
Tgi che haja dirigì las dronas n'è betg enconuschent. Vesì han ins ils apparats datiers da l'ambassada americana, da la Tour d'Eiffel e sur la Place de la Concorde.
Ils ultims mais han dronas adina puspè sursgulà ovras atomaras ed implants nuclears en la Frantscha. Quests incidents han era provocà ina debatta davart la segirtad.
