Ensemen cun Puigdemont duajan er cumparair 13 ulteriurs accusads. Ultra da quai duajan els deponer en tut la summa da 6,2 milliuns euros. Quai èn numnadamain ils custs stimads per il referendum illegal davart l’independenza da la Catalugna dal prim d’october.
La procura publica renfatscha a Puigdemont ed ulteriurs ministers da sia regenza tranter auter rebelliun. Als accusads smanatschan uschia tut tenor fin 30 onns praschun.Sch'els na cumparan betg avant dretgira, pudessan cumonds d'arrest vegnir decretads.
Puigdemont ed ulteriurs ministers eran fugids en la Belgia. Turnar en Spagna veglia el mo sch’in fair process possia vegnir garantì, ha ditg Puigdemont mardi a Brüssel.
RR novitads 20:00