Siglir tar il cuntegn
Inhalt

Exteriur Dretgira scumonda chauma da pilots

Ils pilots da la Lufthansa na dastgan betg cuntinuar lur chauma. Quai ha decidì ina dretgira da lavur tudestga. Ella ha relaschà ina disposiziun provisorica cunter il sindicat da pilots «Cockpit». La Lufthansa aveva purtà plant suenter ch'il sindicat aveva cumenzà da far chauma per la 13avla giada.

eroplan da la Lufthansa sin l'eroport
Legenda: Ils pilots da la Lufthansa ston puspè sgular enstagl da chaumar. Keystone

Il conflict da tariffa dura gia dapi passa in onn e mez. En consequenza da la chauma ha la Lufthansa stritgà 1000 sgols. La societad affiliada «Swiss» n'è betg stada pertutgada directamain da questa chauma.

RR novitads 15:00