Siglir tar il cuntegn

Exteriur Drama da fugitivs: Fugitivs eran gia morts en Ungaria

Ils 71 fugitivs morts ch'ins ha chattà l'emna passada en in camiun en l'Austria èn gia morts en l'Ungaria. Quai mussan las emprimas examinaziuns.

camiun cun policists
Legenda: Il manischunz aveva deponì il camiun cun ils fugitivs ed era fugì. Keystone

Tenor il schef da la polizia saja il camiun partì a Budapest. Il camiun era serrà ermeticamain, era la ventilaziun n'era betg en funcziun. Ils 59 umens, 8 dunnas e 4 uffants sajan uschia morts entaifer circa in’ura e mesa, uschia ha ditg il schef da polizia. Fin uss n’han las autoritads betg pudì identifitgar las unfrendas. La polizia parta dal fatg che Sirians, Afgans ed Iracais eran en il camiun. Il manischunz aveva deponì il camiun ed era fugì.

RR novitads 16:00