Siglir tar il cuntegn
cuntegn

Exteriur Donald Trump vul ussa tuttina s'inscuntrar cun Kim Jong Un

L'inscunter duai avair lieu ils 12 da zercladur a Singapur. - ha Trump ditg suenter in discurs cun il delegà nord-corean - Kim Jong Chol ... en la Chas'alva.

Donald Trump è s'inscuntrà en la Chas'alva cun il delegà nord corean Kim Jong Chol.
Legenda: Donald Trump è s'inscuntrà en la Chas'alva cun il delegà nord corean Kim Jong Chol. Keystone

Tar quest termin vegnian ins ad instradar in process per la denuclearisaziun da la Corea dal Nord. L'emna passada aveva Trump anc ditg giu l'inscunter e renfatschà «ostilitad» al dictatur nordcorean, però vinavant signalisà interess vi da contractivas.

La Corea dal Nord na vul betg simplamain dar si ses program atomar senza ina cuntraprestaziun. Ils Stadis Unids vulan persvader la Corea dal Nord d'eliminar lur armas atomaras cumplettamain ed era da laschar controllar quai.

En diversas medias americanas sco er da la Corea dal Sid vegn uss speculà nua che l'incunter vegn precis ad avair lieu sco er en tge hotels che Kim Jong Un pudess passentar il temp da l'inscunter.

RR novitads 06.00