Siglir tar il cuntegn

Header

cuntegn

Exteriur Donald Trump reponderescha «Obama Care»

Suenter il discurs cun Obama vul Trump eventualmain tuttina mantegnair ina part da la refurma da sanadad. Donald Trump, il nov elegì president american, è s'inscuntrà ier en la Chas'Alva cun il president partent Barack Obama.

Trump ed Obama han discurrì davart la surdada da l'uffizi. Curt suenter ha Obama ditg ch'i sajan stads discurs excellents. El vegnia a far tut il pussaivel per pussibilitar il success a Trump. Il republican da sia vart ha ditg, ch’el sa legria da collavurar cun Obama. Durant il discurs da 90 minutas saja però er vegnì discutà da temas difficils.

Trump mida maini

Tranter auter han els tractà il tema «Obama Care», la refurma da sanadad che Obama aveva introducì. Durant il cumbat electoral aveva Trump adina puspè accentuà ch'el veglia abolir cumplettamain questa refurma da sanadad. En in'intervista ha Trump uss ditg ch'el veglia forsa tuttina mantegnair ina part da questa. El veglia reponderar ses messadi da pli baud.

Trump duai vegnir saramentà ils 28 da schaner sco 45avel president american.

RR novitads 6:00

Artitgels legids il pli savens