Siglir tar il cuntegn
Inhalt

Exteriur Donald Trump relativescha sia posiziun

Il president american Donald Trump ha puspè relativà sia valitaziun areguard la violenza dals extrems da la dretga a Charlottesville. I dettia culpants da «domaduas» varts, er da vart da la sanestra, ha Trump ditg a New York.

Il president american Donald Trump relativescha la violenza a Charlottesville.
Legenda: Il president american Donald Trump relativescha la violenza a Charlottesville. Keystone

Uschia returna Trump tar sia posiziun oriunda nua ch’el aveva discurrì da «violenza da bleras varts». Sut squitsch da pliras varts era Trump sa distanzià glindesdi da las acziuns da rassists e naziunalsocialists.

La fin d’emna passada era in um giuven ch’appartegn a l’extrema dretga charrà cun intenziun en ina gruppa da demonstrants e mazzà ina dunna.

Schef dal pli impurtant sindicat american na collavura betg pli cun regenza

Ord protesta cunter la reacziun targlinanta da Trump è il schef dal pli impurtant sindicat american sa retratg ord il cussegl consultativ dal president.

L'anteriur schef dal Ku-Klux-Klan, David Duke perencunter ha engrazià a Trump per sia sinceradad e per il curaschi da dir la vardad e da condemnar terrorists da la sanestra.

RR novitads 06:00