Siglir tar il cuntegn

Header

cuntegn

Exteriur Donald Trump mida or ses schef da stab

Il president nominescha l’anteriur general John Kelly sco nov schef dal stab. Quai ha communitgà Donald Trump via Twitter.

Kelly remplazza uschia Reince Priebus, l’anteriur schef da la partida dals republicans. Actualmain è Kelly minister per la protecziun da la patria.

Ils ultims dis aveva il nov schef da communicaziun da Trump, Anthony Scaramucci, adina puspè crititgà Reince Priebus publicamain. Priebus è stà sis mais en uffizi.

Il schef dal stab controllescha l'access al president dals Stadis Unids e gida da fixar las prioritads politicas.

RR novitads 06:00

Artitgels legids il pli savens