Siglir tar il cuntegn
cuntegn

Exteriur Donald Trump en lingia cun Wladimir Putin

Il president american Donald Trump vul telefonar oz cun il schef dal Kreml, Wladimir Putin. Quai ha la Chas'alva communitgà.

Purtrer da Donald Trump sper in purtret da Wladimir Putin.
Legenda: La nauscha situaziun tranter ils Stadis Unids e la Russia duai vegnì discutada da Donald Trump e Wladimir Putin. Keystone

La relaziun tranter la Russia ed ils Stadis Unids è critica sco gia dapi decennis betg pli. La raschun persuenter èn tranter auter las rinfatschas americanas che la Russia haja influenzà las elecziuns en ils Stadis Unids, sco era ils conflicts en la Siria e l'Ucraina. Tenor medias russas duain Putin e Trump s'inscuntrar la fin da matg per l'emprima giada. Ina conferma persuenter na datti dentant anc betg.

Oz s'inscuntra Angela Merkel cun Putin

Il president russ Wladimir Putin spetga oz la chanceliera tudestga Angela Merkel en sia residenza a Sotschi. Quai è l’emprim inscunter suenter dus onns. Quel duai purtar ina tscherta detensiun tranter la Russia e l’Europa.

RR actualitad 07:00