Siglir tar il cuntegn

Header

cuntegn

Exteriur Donald Trump dubitescha dals resultats

Il futur president american Donald Trump crititgescha ch’i haja dà irregularitads tar l'elecziun avant 3 emnas. El n’haja betg be gudagnà la maioritad dals electurs delegads, mabain era la maioritad da las vuschs.

Sch’ins subtraheschia las milliuns da vuschs illegalas che sajan vegnidas messas en las uras, fiss el il cler victur era tar las vuschs, ha Donald Trump scrit sin twitter. Cumprovas n'ha il futur president però betg mess sin maisa. Era adversaris da Trump avevan gia annunzià dubis ch'il resultat da l'elecziun saja correct, en 3 stadis federativs vegnan las vuschs dumbradas da nov.

Avantatg da Clinton crescha

En l’entir pajais ha la rivala da Donald Trump, la democrata Hillary Clinton, survegnì almain dus milliuns dapli vuschs ch’il republican. En stadis cun blers abitants sco la California vegn anc adina dumbrà vuschs ed experts quintan, che Clinton vegn la finala ad avair 2,5 milliuns vuschs dapli che Trump.

RR novitads 06:00

Artitgels legids il pli savens