En la dispita tranter il concern VW ed ils furniturs che bloccheschan la producziun vegn ussa la regenza tudestga en acziun. Il ministeri d'economia a Berlin ha fatg in appell da terminar la dispita usche spert sco pussaivel. La raschun: i va per millis plazzas ch'èn pertutgadas da lavur curta.
Pervia da la mancanza da tocca da furniturs na pon radund 28'000 emploiads betg lavurar tenor plan tar VW - da raschun fin la fin da quest mais.
Ils furniturs Car Trim e ES Automobilguss na furneschan betg tocca da mecanissem e cuvridas da sez perquai che VW na vul betg pajair indemnisaziuns pervi d'ina incumbensa stritgada.
